Alarmohet Franca, ylli i ekipit dëmtohet disa ditë para fillimit të Botërorit
Christopher Nkunku ka pësuar një goditje në seancën e fundit stërvitore të Francës në Clairefontaine, pas një përplasjeje me mesfushorin Eduardo Camavinga.
Sulmuesi ka një problem në këmbën e tij të majtë dhe do t'i nënshtrohet testeve mjekësore për të përcaktuar natyrën e problemit.
Lojtari i Leipzigut thuhet se ka pësuar dëmtim serioz, duke u nisur dhe nga pamjet e incidentit dhe reagimi nga shokët e skuadrës dhe stafi. Nkunku tani po pret rezultatet, së bashku me pjesën tjetër të ekipit të Francës, për të konfirmuar nëse mundet të vazhdojë aventurën e tij në Botëror.
🇫🇷 Nkunku contraint de quitter l'entrainement des Bleus en boitant. pic.twitter.com/yJrL7yHP65
25-vjeçari, i cili kryeson listat e golashënuesve të Bundesligës këtë sezon me 12 gola në 15 paraqitje, u thirr për herë të parë në kombëtaren franceze këtë vit, ku ka luajtur tetë ndeshje gjatë gjithë vitit kalendarik deri më tani.