Biden marton mbesën e tij në Shtëpinë e Bardhë, dasma e 19-që mbahet aty
Zëdhënësja e Jill Biden tha se dasma do të bëhet më 19 nëntor. “Presidenti dhe Zonja e Parë do të organizojnë një dasmë në Shtëpinë e Bardhë për mbesën e tyre Naomi Biden dhe të fejuarin e saj Peter Neil”, shkroi në Twitter, zëdhënësja.
Uashington - "Ja ku po vjen nusja" do të dëgjohet në Shtëpinë e Bardhë shumë shpejt. Naomi Biden, mbesa e Presidentit Joe Biden dhe Peter Neal do të martohen në Lëndinën e Jugut të shtunën në atë që do të jetë dasma e 19-të në historinë e Shtëpisë së Bardhë.
Kjo do të jetë dasma e parë me mbesën e një Presidenti si nuse dhe e para në atë vend, sipas Shoqatës Historike të Shtëpisë së Bardhë.
Një mik i përbashkët i lidhi Naomi Biden, 28 vjeçe dhe Nealin, 25 vjeç, rreth katër vjet më parë në qytetin e Nju Jorkut dhe Shtëpia e Bardhë tha se ata kanë qenë bashkë që atëherë.
Naomi Biden është avokate; babai i saj është Hunter Biden. Dhëndri Neal së fundmi u diplomua në shkollën juridike të Universitetit të Pensilvanisë. Çifti jeton në Uashington.
Nëntë nga 18 dasmat e dokumentuara në Shtëpinë e Bardhë ishin për vajzën e një Presidenti - së fundmi për vajzën e Richard Nixon, Tricia, në 1971 dhe për vajzën e Lyndon B. Johnson, Lynda, në vitin 1967.
Por aty janë martuar edhe mbesat, një mbesë, një djalë dhe vëllezërit e motrat e zonjave të para. Një President, Grover Cleveland, u martua gjithashtu atje, ndërsa ishte në detyrë.
Zonja e Parë Jill Biden tha se është e emocionuar që e sheh mbesën e saj “duke organizuar dasmën, duke bërë zgjedhjet e saj, duke u përgatitur, ju e dini, thjesht duke u shfaqur në vetvete dhe ajo është shumë e bukur”.
“Pra, mezi pres që të gjithë ta shihni si nuse”, tha Zonja e Parë gjatë një paraqitjeje të fundit në emisionin e këngëtares Kelly Clarkson.
Stewart McLaurin, president i shoqatës historike, tha se rastet e veçanta në Shtëpinë e Bardhë nuk harrohen shpejt.
“Nëse do të kishit privilegjin të festonit një festë atje ose një rast të veçantë në jetën tuaj, si një martesë, është një rast shumë i paharrueshëm,” tha ai.
Pesë dasma u mbajtën në dhomën Lindore, katër u zhvilluan në Dhomën Blu dhe dy u shpalosën në Kopshtin e Trëndafilave, disa hapa larg Zyrës Ovale.
Në qershor të vitit 1971, rreth 400 të ftuar panë ndërsa Nixon ecte me Tricia poshtë shkallëve të Portikut Jugor drejt Edëard Cox-it që priste dhe çifti shkëmbeu betimet në një altar të vendosur në Kopshtin e Trëndafilave për ceremoninë e parë të martesës të mbajtur ndonjëherë atje.
Sooo not sure how best to update but was supposed to do so weeks ago…but we have finally figured out where the ceremony will be…and much to the relief of secret service and with the dogs’ endorsement…we’ll be getting married on the South Lawn! Couldn’t be more excited 🥹 pic.twitter.com/CHfvmJ9ZHL
— Naomi Biden (@NaomiBiden) July 28, 2022