Protestuesit çajnë kordonin e policisë dhe ndezin qirinj te shkallët e Kryeministrisë
Efektivët e policisë tentuan të bllokojë protestuesit që t'i afroheshin shkallëve të Kryeministrisë, për të vendosur qirinj në nder të të rinjve që kanë humbur jetën në duart e policisë.
Por protestuesit kanë çarë kordonin dhe u ngjitën te shkallët e Kryeministrisë.
Protestuesit vendosën qirinjtë në shkallët e godinës qeveritare.
Gjithashtu, në muret e Kryeministrisë u hodh bojë e kuqe për vrasjet shtetërore të Ardit Gjoklajt, Klodian Rashës, Lear Kurtit etj.