VIDEO/ Tifozët e Arsenal brohorasin në kor emrin e tij, Xhaka lëshon gojën dhe vë në siklet gazetarin
Arsenali triumfoi në derbin e madh të Londrës për javën e 14-të të Premier League. Topçinjtë fituan 1-0 ndaj Chelsea-t dhe kështu u rikthyen në krye të renditjes së kampionatit anglez, dy pikë më shumë se Manchester City.
Nga minuta e parë në fushë për “topçinjtë” ishte edhe Granit Xhaka, që ka fituar sërish dashurinë e tifozëve me paraqitjet e tij. Pas përfundimit të ndeshjes, tifozët e Arsenalit kanë thërritur në kor emrin e mesfushorit shqiptar, ndërkohë që ky i fundit ishte duke dhënë intervistën.
I pyetur nga gazetari në lidhje me atmosferën, Xhaka është rrëmbyer nga emocionet dhe e ka tepruar me fjalorin e tij. “It’s fuc*ing unbelievable“ (është e pabesueshme), ka thënë lojtari me origjinë shqiptare, duke vënë në siklet gazetarin. Ky i fundit i ka kujtuar menjëherë se duhet të ketë kujdes me fjalorin.
"You the see Atmosphere,it's fu****g unbelievable "
— Doc (@karthikadhaigal) November 6, 2022
- Xhaka pic.twitter.com/wDkeAgqdhI