Tragjedi në Rusi: 15 të vdekur nga zjarri i madh në një klub nate
Një tragjedi e rëndë ka ndodhur në qytetin Kostroma, në brigjet e Vollgës në lindje të Rusisë, pasi 15 persona humbën jetën nga një zjarr i madh.
Ngjarja ka ndodhur mbrëmjen e së premtes në një klub natë.
“Sipas informacioneve të fundit 15 persona kanë humbur jetën nga zjarri, pasi në rrënoja u gjetën dhe dy trupa të tjerë’ thuhej në përditësimin e fundit të shërbimeve të urgjencës sipas lajmeve Tass.
Sipas zyrës së prokurorisë së qarkut, përdorimi i fishekzjarreve nga një prej klientëve mund të ketë shkaktuar zjarrin fatal .
Si pasojë e zjarrit të madh, çatia e klubit u shemb në të gjithë sipërfaqen e saj - 3.5 mijë metra katrorë, ndërsa rreth 250 persona u evakuuan.
Guvernatori i Kostromës, Sergei Sitnikov , tha në kanalin e tij Telegram se pesë persona u plagosën gjithashtu në incident.
“Si pasojë e zjarrit janë lënduar lehtë pesë persona. Ata kanë marrë ndihmën e nevojshme mjekësore. Drejtoria Rajonale e Shëndetësisë ka sqaruar se njerëzit nuk kanë nevojë për shtrimin në spital”, ka shkruar ai.
Drejtoria kryesore e Ministrisë së Situatave Emergjente për rajonin e Kostromës njoftoi se zjarrfikësit tani kanë arritur të vënë nën kontroll zjarrin.
#BREAKING_NEWS : At least 13 people have been killed in a fire overnight at a cafe in the #Russian city of Kostroma. pic.twitter.com/6CWpkNmnkj
— Our World (@MeetOurWorld) November 5, 2022