VIDEO/ Përfshihet nga zjarri mali i Moravës në Korçë, flakët po shuhen me...lopata
Një zjarr ka përfshirë malin e Moravës në Korçë, pranë pikës turistike, ndërkohë që flakët janë aktive prej disa orësh
Siç shihet nga pamjet që sjell gazetarja e Syri Tv, Sidorela Xhomaqi, vatra e zjarrit ka shkaktuar re tymi dhe flakë të mëdha në zonë.
Mësohet se në vendngjarje ndodhen 40 forca të ndërmarrjes së shërbimeve publike të bashkisë së Korçës.
Terreni i thyer malor e bën të vështirë ndërhyrjen e mjeteve zjarrfikëse, duke bërë që për shuarjen e zjarrit të përdoren mjete rrethanore si kazma dhe lopata.
Flakët kanë përfshirë një sipërfaqe jo të vogël me pisha dhe bimësi të ulët.
Dyshohet se zjarri është i qëllimshëm.
Flakët mund të jenë vazhdimi i zjarrit të rënë mbrëmjen e djeshme në afërsi të Gurit të Capit.
Kjo është vatra e katërt e zjarrit në qarkun e Korçës.