Guardiola shpjegon pse iu desh të zëvendësonte Haaland në pjesën e parë në Dortmund
Ndeshja e mbrëmshme në Dortmund mes Borussia-s dhe Manchester City-t është e vetmja ndeshje e djeshme në Champions League në të cilën nuk ka pasur gola.
Në këtë ndeshje tifozët e Cityt prisnin shumë nga Erling Haaland, i cili u rikthye në “Signal Iduna Park”, por norvegjezi luajti vetëm pjesën e parë dhe e preku topin vetëm 13 herë.
Pas ndeshjes, gazetarët anglezë u interesuan se pse Pep Guardiola e zëvendësoi norvegjezin pas 45 minutave të para.
"Erling kishte pak ethe para ndeshjes, ashtu si Joao Cancelo. Haaland ishte i lodhur, ai mori një goditje dhe kjo është arsyeja pse vendosa ta zëvendësoj", tha Guardiola.
"Erling Haaland had a little fever before the game"
— Football on BT Sport (@btsportfootball) October 25, 2022
"We are missing too many penalties"
Pep Guardiola explains the reason for substituting Haaland 👀
#UCL | 🎙 @archiert1 pic.twitter.com/XZIYJ4PYGD
Me këtë barazim, Borussia iu bashkua Cityt, e cilia kishte siguruar kalimin në 1/8-tat e Champions League.
Në raundin e fundit javën e ardhshme, City pret Sevillan, ndërsa Dortmundi viziton Kopenhagen.