Berisha: PD po përgatitet për protesta të fuqishme. Kjo betejë do përfundojë me rrëzimin e qeverisë!

Kryetari i PD, Sali Berisha deklaroi gjatë takimit me studentët në selinë blu se opozita po përgatitet për protesta të fuqishme. 

Kjo betejë, tha Berisha, do të përfundojë me rrëzimin e qeverisë që ka marrë të gjitha pushtetet duke dhunuar votën e shqiptarëve. 

"PD po përgatitemi për protesta të fuqishme. Duhet të mbështesim çdo protestë të drejtë. Ju ftoj të jeni aty ku është kauza e drejtë. Kauza e Kurtit i përket çdo shqiptari, çdo të riu shqiptar. E patë ju? Po kthehej duke folur në telefon. Po kthehej rrugës. Pse duhet ta ndaloje? Kishte kallashnikov ai? Na mashtruan, thanë se po rrinte pranë një objekti të dyshimtë. Ai po kalonte në mes të rrugës dhe i dalin banditët për t’i marrë shpirtin. Dhe s’i japin ndihmën. Pasi e çojnë në agoni e lënë në komisariat pa i dhënë ndihmën. Nuk mund t’i pranojmë këto gjëra. Unë kam besim të madh tek ju se kjo betejë do të nisë dhe do të përfundojë me rrëzimin e kësaj qeverie e cila ka marrë të gjitha pushtetet duke dhunuar votën e shqiptarëve", u shpreh Berisha.