VIDEO/ Nuk ndalen policët e Çuçit, dhunojnë të riun në Pogradec
Tjetër skandal me protagonistë forcat e rendit.
Disa orë pasi humbi jetën tragjikisht në duart e policisë 32-vjeçari Lear Kurti, një tjetër incident është regjistruar në Pogradec.
Dy efektivë të policisë rrugore janë filmuar teksa godasin me grushte një të ri.
SYRI sjell pamje nga dhuna e policëve mbi qytetarin.
Siç duket edhe nga video i riu nuk bën rezistencë, madje qëndron me duart e vendosura prapa, ndërsa policët përdorin dhunë duke shkelur rregulloren dhe ligjin.
Vdekja në komisariat e 32-vjeçarit ka nxituar reagime të forta nga opinioni publik.
Ndërsa denoncimi i rasteve të reja për dhunën shtazarake nga efektivët mbi qytetarët, tregon se kemi një polici që është prirur për të vrarë dhe jo për të garantuar rendin dhe sigurinë publike.