Champions League/ Pesë skuadrat që kanë siguruar zyrtarisht kalimin në fazën e 1/8-ve

Pas ndeshjeve të zhvilluara këtë të martë dhe të mërkurë, tashmë janë pesë skuadra që kanë siguruar kalimin për në fazën tjetër të Ligës së Kampionëve.

Ekipet që kanë arritur të sigurojnë kualifikimin për në fazën e 1/8-ve, janë  Napoli, Bajern Munich, Real Madridi, Mançester Siti dhe Club Brugge. Në qoftë se për 4 të parat kualifikimi ka qenë mëse i pritshëm, ecuria e belgëve të Club Brugge, i ka mrekulluar të gjithë. As tifozët besnikë të klubit belg, nuk do ta kishin parashikuar këtë ecuri fantastike të skuadrës së tyre.

Vlen të theksohet se deri në mbyllje të fazës së grupeve kanë mbetur për t’u zhvilluar edhe nga dy xhiro, për t’u luajtur, ku priten surpriza dhe përballje interesante.