Maroku i kërkon kombëtares kundërshtare tërheqjen e fanellës për shkak të përvetësimit të simbolit

Ministria e Kulturës e Marokut i ka kërkuar prodhuesit gjerman të pajisjeve sportive Adidas që të tërheqë koleksionin e ri të fanellave të kombëtares së Algjerisë për shkak të përvetësimit të pahijshëm të simboleve të trashëgimisë së tyre kulturore.

“Është vjedhja e motiveve të frymëzuara nga zellija marokene që shfaqen në fanellat algjeriane, e cila ka shtyrë ministrinë të marrë masa të menjëhershme”, tha Ministria e Kulturës.

Kohët e fundit, qeramika zellige është jashtëzakonisht e popullarizuar, dhe ajo u krijua në Marok në shekullin e 10-të.

🚨🇩🇿 Morocco to take legal action over the new Algeria training jersey and give 15-day ultimatum to withdraw its production from Adidas, citing stolen heritage of Moroccan values. pic.twitter.com/Y62ehYn0oQ

— Dean Ammi (@AlgerianFooty) September 29, 2022

Avokati maroken i dërgoi CEO të Adidas Kasper Rorsted një njoftim zyrtar me e-mail dhe përmes një oficeri të gjykatës speciale.

Me atë rast, ai dënoi përvetësimin kulturor dhe përpjekjen për të vjedhur një mostër nga trashëgimia kulturore marokene për ta përdorur atë jashtë kontekstit të saj.

Avokati i ministrisë Me Mourad Eladditioni kërkoi tërheqjen e koleksionit të fanellave sportive brenda dy javësh.

Për kujtesë, Kombëtarja e Marokut do të luajë në Botërorin e ardhshëm në Katar.