FOTO-VIDEO/ Presidenti i FIFA-s nis vizitën e tij të parë zyrtare në Kosovë, bën homazhe te shtatorja e Fadil Vokrrit

Presidenti i FIFA-s, Gianni Infantino ka bërë homazhe te shtatorja e legjendës së futbollit kosovar, Fadil Vokrrit.

Infantino gjithashtu vizitoi edhe stadiumin “Fadil Vokrri”, teksa në hyrje të stadiumit është pritur me duartrokitje nga gjenerata e sakrificës.

Kjo është vizita e parë zyrtare në Kosovë e presidentit të shtëpisë më të madhe të futbollit në botë.

Dje, Infantino ishte për vizitë në Shqipëri, ku së bashku me presidentin e FSHF-së, Armando Duka, inauguruan kompleksin sportiv “Shtëpia e Futbollit".