Menduat se u ndanë në paqe, zbulohet sherri i fundit i Shakirës dhe Piques para fëmijëve të tyre
Shakira dhe Gerard Pique njoftuan zyrtarisht ndarjen e tyre këtë verë pas më shumë se 12 vitesh së bashku.
Pas kësaj, kanë qenë të panumërt titujt e gazetave rreth ish-çiftit, ndërkohë që tashmë kanë dalë edhe foto nga debati i tyre i fundit së bashku.
Ka qenë një debat i ashpër mes këngëtares kolumbiane dhe futbollistit para dy fëmijëve të tyre në një jaht.
Capturaron a Shakira y pique en plena discusión (aparantemente) se vienen letras más intensas? .... 😱 pic.twitter.com/vEghX0SyOe
— Shakira Rock 🤖 🤟 (@ShakiraRock3) September 1, 2021
Pamjet i tregojnë ata, në atë që mund të konsiderohen pushimet e tyre të fundit së bashku, duke bërë një debat të ashpër para Milan dhe Sashës.
Deri më tani nuk ka lëvizje të reja ligjore mes ish-çiftit, pasi pritet që në javët në vijim ata të fillojnë të negociojnë për kujdestarinë e fëmijëve të tyre.
Është një çështje mjaft e ndërlikuar, pasi këngëtarja dëshiron të transferohet në Miami.
Është e rëndësishme të kujtojmë se kjo ndarje erdhi për shkak të tradhtisë së sportistit me të dashurën e tij aktuale, Clara Chía Marti.