‘Patate dhe mallra kontrabandë nga Kosova’/ Arrestohet 56 vjeçari dhe një doganier në Kukës
Policia e Kukësit ka kapur në flagrancë duke transportuar mallra të ndryshëm të dyshuar të kontrabanduar, një 56-vjeçar sëbashku me një doganier 41 vjeç.
Në cilësinë e provës materiale u sekuestrua automjeti dhe mallrat.
Njoftimi i policisë/ Kukës
Kontrolle të shtuara për evidentimin dhe goditjen e paligjshmërisë.
U kap në flagrancë duke transportuar mallra të ndryshëm të dyshuar të kontrabanduar, vihet në pranga 56-vjeçari.
Arrestohet në flagrancë edhe doganieri i PKK Qafë Prush, për veprën penale "Shpërdorimi i detyrës".
Specialistët për Hetimin e Krimit Ekonomik dhe Financiar të Drejtorisë Vendore të Policisë Kukës, në vijim të punës për goditjen e paligjshmërisë, kanë goditur një rast të kontrabandës me mallra.
Si rezultat u arrestua në flagrancë shtetasi Sh. J., 56 vjeç, banues në Krumë, pasi është kapur në flagrancë, në aksin rrugor Qafë Prush-Krumë, duke transportuar me një automjet tip "Volksëagen", mallra të ndryshëm, të cilët i kishte kaluar nga Kosova në Shqipëri, duke shmangur detyrimet doganore.
Në vijim të veprimeve u arrestua në flagrancë edhe shtetasi B. A., 41 vjeç, banues në Krumë, me detyrë doganier pranë PKK Qafë Prush, për veprën penale "Shpërdorimi i detyrës", pasi dyshohet se ka shpërdoruar detyrën duke mos kryer veprimet doganore ndaj mjetit tip "Volksëagen" me drejtues shtetasin Sh. J., i cili transportonte mallrat nga Kosova drejt Shqipërisë.
Në cilësinë e provës materiale u sekuestrua automjeti dhe mallrat.
Materialet i kaluan Prokurorisë pranë Gjykatës së Shkallës së Parë Kukës, për veprime të mëtejshme.
#angazhimpërkushtimsakrificë👮♂️🚔
#tëvendosurkundërkrimit✅
#nëçdoskajtëvendit🇦🇱
#nëshërbimtëqytetarëve👮♂️🤝🙍♂️