VIDEO/ Andy Ruiz i shtang të gjithë, shihni transformimin e jashtëzakonshëm të boksierit meksikan përpara meçit

Luftëtari i famshëm meksikan Andy Ruiz ka zbuluar transformimin e jashtëzakonshëm të trupit përpara ndeshjes së tij në peshën e rëndë kundër Luis Ortiz.

Meksikani, 32 vjeç, rikthehet në ring për një përplasje me kubanin Luis Ortiz të dielën në Kaliforni dhe do të jetë rikthimi i tij në ring pas fitores ndaj Cristo Arreola në maj 2021.

Ndërkohë, Ruiz iu përkushtua stërvitjes dhe humbi aq shumë peshë sa fansat u befasuan kur publikoi një video përpara meçit. Në video, Ruiz shihet duke treguar muskujt e tij.

Andy Ruiz looks in the best shape I’ve seen him. I expect him to take Ortiz out within 8 rounds.#fightclub247 #boxing #fighter #ruizortiz #champion #forthefans pic.twitter.com/SgqQP8COI6

— Fight Club 247 (@fightclub247) September 1, 2022

Është evidente se Ruiz ka humbur shumë kilogramë dhe në vend të yndyrës së madhe tani ka muskuj.

Fansat u surprizuan dhe ajo që është absolutisht e sigurt është se Ruiz po kalon formën më të mirë fizike të jetës së tij, pasi nuk e kemi parë kurrë kështu.

Kujtojmë, në vitin 2019, Ruiz surprizoi Anthony Joshua-n dhe shumë njerëz nuk e kuptuan se si ai fitoi me një mbipeshë të dukshme. Ruiz bëri një revansh me Joshua në të njëjtin vit kur u mposht dhe mbeti pa rripin e kampionit të botës në WBA, IBF, WBO dhe IBO.