VIDEO – SYRI TV/ Euractiv kritika për Open Balkan: Projekti ndikim negative në rajon

Open Balkan mund të ketë ndikive negative në rajon dhe të thelojë ndasitë me shteteve. Pas ish-drejtorit të Fondacionit të Xhorxh Soros, sot edhe agjencia e lajmeve pranë institucioneve të Brukselit, EurActive ka kritikuar projektin e Aleksandër Vuçiç dhe Edi Ramës. Sipas këtij artikulli, Open Balkan mund të ketë ndikim negativ sin ë aspektin simbolik por edhe në bashkëpunimin real.

Syri Tv

Një ditë pasi ish- drejtues i Xhorxh Soros në Shqipëri kritikoi ashpër Open Balkan, duke sulmuar lojrat e Aleksandër Vuçiç dhe Edi Ramës të cilin e cilësonte edhe ushtar të Presidentit serb, sot kritika për këtë projekt vijnë edhe nga Brukseli. Agjencia e njohur e Brukselit, EurActiv, referuar  një studimi të bërë nga ‘Rockefeller Brothers Fund’ shkruan se nisma e Ballkanit të Hapur ka një ndikim negativ në rajon. Në analizën e këtij fondacioni thuhet se nisma thellon përçarjet në rajon.

“Përfshirja e gjysmës së Ballkanit Perëndimor në nismën e Ballkanit të Hapur mund të ketë ndikim negativ në aspektin simbolik, por edhe në bashkëpunimin real,” - thuhet në studim. “Për më tepër “Open Ballkan”, rrezikon të zëvendësojë qëllimin dhe konceptin e krijimit të Tregut të Përbashkët Rajonal që është në themel të nismës së Berlinit”. “Edhe pse nisma e Ballkanit të Hapur nuk ka lindur domosdoshmërisht nga zhgënjimi lidhur me çështjet e zgjerimit, udhëheqësit e përfshirë duket se e mirëpresin idenë që nuk duhet të adresojnë standardet evropiane brenda saj”, thuhet në studim. Tre vendet e tjera të Ballkanit, Bosnja, Kosova dhe Mali i Zi mbeten të shqetësuar nga ideja për t’iu bashkuar nismës.

Kosova në mënyrë hapur e ka kundërshtuar nismën e Ballkanit të Hapur dhe qëllimet e saj. Në mënyrë të ngjashme, udhëheqja e Bosnjë-Hercegovinës ka shprehur shqetësimin se zona ekonomike rajonale rrezikon pavarësinë e saj. Së bashku me Malin e Zi, të dyja vendet zyrtarisht pretenduan se nuk shohin arsye për të preferuar iniciativën e “Open Ballkan” mbi tregun e përbashkët që udhëhiqet nga nisma e Berlinit. BE-së i mungon ende një qëndrim përfundimtar për nismën e Ballkanit të Hapur. Zyrtarët Europiane që kanë vizituar Ballkanin së fundmi kanë mirëpritur rritjen e bashkëpunimit rajonal.

Për të ndihmuar në liberalizimin e tregtisë, “Ballkani i hapur” synon të heqë kalimet kufitare dhe barrierat për tranzit, mirëpo duke qenë se është gjysmake, i ka përmbysur të gjithë arritjet e nismës së Berlinit, që synonte rritjen e bashkëpunimit në rajon si një i tërë, analizon me tej studimi. “Ballkani i Hapur”, nisma e nisur në fund të korrikut 2021 nga Serbia, Maqedonia e Veriut dhe Shqipëria përfshin vetëm gjysmën e vendeve të Ballkanit Perëndimor, ndërsa nisma e Berlinit ishte e pranuar nga të gjitha vendet për të arritur standardet që krijonin tregun e përbashkët. Autorët pohojnë se “Open Ballkan” mund të rriste më tej ndasitë në rajon sidomos ndërmjet Serbisë dhe Kosovës, apo Malit të Zi dhe Serbisë, dhe mund të rrisë ndasitë me atë që mbeten jashtë nismës.