Rooney ‘shkatërron’ arrogantin Mbappe dhe i kujton se çfarë kishte arritur Messi në moshën e tij
Shumë është shkruar këto ditë për luftën e brendshme mes Kylian Mbappe dhe pjesës tjetër të skuadrës së PSG. Fundjavën e kaluar parizienët nuk treguan mëshirë ndaj Montpellier-it dhe ndeshja u shënua nga një debat mes Neymar dhe sulmuesit francez se kush do të ekzekutonte penalltinë.
Videoja e incidentit bëri xhiron e botës dhe arriti edhe te Wayne Rooney, i cili sulmoi Mbappe dhe e krahasoi atë me Messin.
"Nuk kam parë kurrë një ego më të madhe në jetën time. Dikush duhet t'i kujtojë Mbappes se Messi, kur ishte 23 vjeç, kishte fituar katër Topa të Artë", tha Rooney në një intervistë për “Depar Sports”.
Kylian Mbappe really had the audacity to ask Neymar to give him the second penalty after he he missed his first one 😐
— LSPN FC (@LSPNFC_) August 14, 2022
pic.twitter.com/DxFML8jxqf
Kujtojmë, Mbappe humbi një penallti në ndeshjen e lartpërmendur, e më pas penalltisë së dytë të akorduar tentoi t'i rrëmbejë topin Neymar, gjë që braziliani nuk e lejoi dhe më pas shënoi gol.
Shumë tifozë të futbollit besojnë se sjellja e Mbappe është e papranueshme dhe se ai nuk respekton shokët e skuadrës dhe në shënjestër të kritikave është trajneri Christophe Galtier i cili përveç gjithçkaje la të kuptohej se ylli i kombëtares franceze do të jetë numri një i klubit.