Përfundon në kanal automjeti në Selenicë, dy të lënduar

Një aksident ka ndodhur mbrëmjen e së martës në afërsi të kthesës së Armenit në Selenicë. Mësohet se, si pasojë e shpejtësisë së lartë, një automjet ka goditur nga pas një makinë tjetër.

Për pasojë, kjo e fundit ka përfunduar në kanal. Si pasojë e aksidentit, të lënduar kanë mbetur dy persona, anëtarët e një familjeje nga fshati Karbunar.

Një grua ndërkohë është duke u shoqëruar në spital.

NJOFTIMI

“Vlorë/Informacion paraprak

Sot, rreth orës 20:30, në aksin rrugor Vlorë-Selenicë, në afërsi të fshatit Armen, një automjet tip “Benz” me drejtues shtetasin I. C., 36 vjeç, është përplasur me një automjet tip “Nisan” me drejtues shtetasin A. A., 51 vjeç, ku si pasojë është dëmtuar pasagjeria e këtij mjeti, shtetasja M. A., 43 vjeçe, e cila ndodhet në spital, jashtë rrezikut për jetën.

Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.”