Zyrtare/ U largua nga Partizani, Sherif Kallaku firmos me Tiranën
Tashmë është zyrtare. Sherif Kallaku është lojtari më i ri i Tiranës.
Lajmin e ka bërë të ditur klubi bardheblu përmes një postimi në faqen zyrtare ku i uron mirëseardhjen fantazistit 24 vjeçar.
Djaloshi nga Fushë-Kruja vjen si zëvendësues i Enur Totres që u transferua në Ukrainë. Sezonin e shkuar, ai e mbylli me Partizanin, ndërsa këtë edicion futbollistik do të kontribuojë për ngjyrat bardheblu.
Trajneri Orges Shehi ia njeh mirë aftësitë dhe te kampionët e Shqipërisë pritet të gjejë formën e munguar për t’u rikthyer si Kallaku i “artë” i Teutës.