Gjesti emocional i Elvanës për të atin, në mes të turmës së 'Sunny Hill Festival'
Elvana Gjata është divë ekrani, por është gjithashtu e vogla e përkëdhelur e familjes.
Këngëtarja është tepër e lidhur me prindërit e saj, të cilët i publikon herë pas here në rrjete sociale. Asaj i pëlqen të kalojë kohë me ta dhe të bëjë aktivitete të ndryshme.
Mbrëmjen e kaluar, këngëtarja e hitit “Gajde” ishte e ftuar për të performuar në festivalin e Dua Lipës dhe babait të saj Dukagjinit, nata e parë e të cilit u mbajt mbrëmë në Kosovë.
Në mes të performancës dhe në mes të turmës, Elvana gjeti rastin t’i uronte ditëlindjen babait të saj.
Të gjithë kënduan njëzëri “Shumë urime për ty” së bashku me Elvanën, ndërsa kjo do të jetë një surprizë shumë e këndshme për prindin e saj.
“Gëzuar ditëlindjen babi! Je më i shtrenjti im”- shkroi Elvana krahas postimit.