Gjykata e Lushnjes i sekuestron apartamentin në Tiranë të dënuarit për drogë

Prokuroria Lushnjë ka sekuestruar një njësi banimi në Tiranë, e llojit “apartament” me sipërfaqe 103m2.

Sekuestrimi i këtij apartamenti është bërë, pasi dyshohet se është blerë me të ardhura që nuk justifikohen me burime të ligjshme.

Ky person me iniciale M.K., i dënuar më parë për shitje dhe prodhim narkotikësh.

Njoftimi i Gjykatës:

Mbi bazën e referimit nga Drejtoria Vendore e Policisë Fier, Prokuroria pranë Gjykatës së Shkallës së Parë Lushnjë ka regjistruar dhe po kryen hetime për procedimin penal nr.589 të vitit 2018, regjistruar për veprën penale “Pastrimi i produkteve të veprës penale ose veprimtarisë kriminale” parashikuar nga neni 287 i Kodit Penal, që bën fjalë për pasuritë në zotërim të shtetasit M.K., i dënuar për kryerjen e veprës penale të parashikuar nga neni 283 i Kodit Penal, si dhe pasuritë në emër të të afërmve të tij.  Nga hetimet e kryera deri tani ka rezultuar se shtetasi M.K. zotëron në mënyrë të tërthortë pasurinë e paluajtshme me nr. 5/2**+1-4*, z.k.8***, Tiranë, e llojit “apartament” me sipërfaqe 103m2, e cila dyshohet se është blerë me të ardhura që nuk justifikohen me burime të ligjshme.

Në zbatim të vendimit gjyqësor dhe nenit 274 e vijues të Kodit të Procedurës Penale  është nxjerrë nga prokurori urdhëri i ekzekutimit, i cili u është dërguar për ekzekutim/zbatim shërbimeve e policisë gjyqësore të Drejtorisë Vendore të Policisë Fier dhe Agjencisë Shtetërore të Kadastrës. Hetimet për këtë procedim penal vazhdojnë.