Zyrtare/ Vrioni largohet nga Juventusi, shqiptari surprizon me klubin e radhës
Tashmë është zyrtare, Giacomo Vrioni është transferuar te New England Revolution.
Klubi amerikan ka njoftuar këtë të martë për transferimin e shqiptarit nga Juventusi.
Vrioni me New England Revolution ka nënshkruar kontratë të vlefshme deri në vitin 2025, me mundësi vazhdimi edhe për një tjetër vit.
23-vjeçari te klubi nga MLS është transferuar nga Juventusi. Ai ishte pjesë e të rinjve të klubit italian.
Vrioni në sezonin e fundit ishte i huazuar te Tiroli në Austri, ku e mbylli sezonin si golashënuesi më i mirë në kampionat, me 19 gola.
Giacomo Vrioni numëron edhe gjashtë paraqitje me Kombëtaren A të Shqipërisë.
NEWS: @giacomovrioni32 joins the #NERevs from @juventusfc and becomes club's newest Designated Player. pic.twitter.com/deCX3oE860