Akuzohet për përdhunim, arrestohet futbollisti i Premier League

Një futbollist, klubi i të cilit merr pjesë në Premier League është arrestuar nën dyshimin për përdhunim në Londrën Veriore, shkruan The Telegraph.

Gazeta bëri të ditur se nuk ishte një futbollist anglez, por kishte ardhur nga jashtë.

Ai është arrestuar dje para mesditës dhe është mbajtur në paraburgim dhe sipas informacioneve të njohura është 29 vjeç.

“Përdhunimi i dyshuar i një vajze rreth të 20-tave u raportua në polici më 4 korrik. Përdhunimi i dyshuar ndodhi në qershor 2022”, thuhet në deklaratën e policisë.

🔴 The player, who is internationally renowned, was taken into police custody this morning, over an alleged attack last month https://t.co/vwWA83vK4s

— The Telegraph (@Telegraph) July 4, 2022

Gjithashtu policia shtoi se po atë ditë ka arrestuar edhe një 29-vjeçar.

“Ai u arrestua në një adresë në Barnet me dyshimin për përdhunim, u mor në mbajtje dhe ndodhet në paraburgim. Hetimet për rrethanat po vazhdojnë”, thuhet në njoftim.

Kujtojmë se së fundmi u pushua padia për përdhunim ndaj Cristiano Ronaldos dhe po vazhdon gjyqi ndaj futbollistit të Cityt, Benjamin Mendy, i akuzuar për përdhunime të shumta.