Makina inteligjente kap motomjetin që bënte gara shpejtësie dhe manovra të rrezikshme në rrugë

Ditën e sotme makina inteligjente ka ndjekur një motomjet që bënte gara shpejtësie dhe manovra të rrezikshme në rrugë.

Mjeti tip Kawasak rezultoi se drejtohej pa leje drejtimi nga shtetasi me iniciale S.K.

33-vjeçari u arrestua në flagrancë ndërkohë  edhe një iu vendos masë administrative me vlerë 40.000 lekë të rinj.

Njoftimi policisë

Gjatë kontrolleve parandaluese për mjetet që bëjnë gara shpejtësie dhe manovra të rrezikshme, në rrugën interurbane Tiranë-Elbasan është konstatuar një motomjet, tip Kawasaki, duke bërë manovra të rrezikshme në rrugë.

Nga verifikimi i dokumentacionit rezultoi se drejtuesi i motomjetit shtetasi S. K., 33 vjeç, drejtonte motomjetin pa leje drejtimi.

Në vijim të veprimeve u bë arrestimi në flagrancë i shtetasit S. K. për veprën penale “Drejtimi i mjeteve në mënyrë të parregullt” si dhe iu vendos masë administrative me vlerë 40.000 lekë të rinj.