FOTO/ Kamerat në pyjet e Pukës kapin kafshë të rralla dhe momente fantastike

Pamje të mrekullueshme shfaqen nga filmimet e kamerave të vendosura në pyjet tona nga organizata për mbrojtjen e mjedisit, PPNEA.

"Kontrolli i parë i kamerave-kurth na surprizoi me disa foto të mrekullueshme të Rrëqebullit të Ballkanit, - njoftoi sot PPNEA, - një nënlloj i rrezikuar në mënyrë kritike. Fotografimi i rrëqebullit të Ballkanit dhe llojeve të tjera, si ariu i murrmë, ujku, dhelpra, lepuri dhe baldosa theksojnë edhe njëherë biodiversitetin e pasur të rajonit Pukë-Mirditë.

Jemi të lumtur të ndajmë me ju rezultatet e para të sezonit të monitorimit dimër-pranverë 2017."