VIDEO/ Shqiptarët e Serie A: Asllani dhuron super-asist, Berisha mban portën të paprekur, Manaj humb penallti

Kristjan Asllani vijon të lërë gjurmë në Serie-A. Mesfushori kuqezi ishte protagonist me asist në ndeshjen e Empolit të tij me Salernitanën, e cila u mbyll në barazim 1-1.

Asllani dhuroi një super-top për Cutronen, i cili nuk gaboi dhe dërgoi sferën në fundin e rrjetës. Për fat të keq, ky gol ku ishte protagonist dhe Asllani nuk i dhuroi fitoren skuadrës nga Toskana, pasi Saleritana arriti të barazojë shifrat. Kujtojmë në këtë takim luajti edhe mesfushori tjetër i kombëtares, Nedim Bajrami.

Whoever buys Asllani will have the best CDM in Serie A for atleast the next 10 years… pic.twitter.com/IUpJL5ks9w

— Jjuli (@jjuli_007) May 14, 2022

Dy lojtarët e tjerë të kombëtares, Etrit Berisha dhe Rei Manaj kanë regjistruar fitore me klubet respektive në këtë javë të Serie-A.

Gardiani kuqezi ka mbajtur portën të pa prekur në suksesin e kësaj jave për Torinon, me “Granadat” që triumfuan me rezultatin 0-1 në transfertën e Veronës.

Gjithashtu edhe Spezia e Rei Manajt ka arritur një fitore me përmbysje kundër Udineses , me sulmuesin kuq e zi që gaboi një penallti në minutën e 90+1’ të takimit, që për fatin e mirë nuk ndikoi në rezultat.

Ndërsa Roma e Marash Kumbullës nuk shkoi më shumë së një barazim 1-1 me Venzian e rënë nga kategoria, duke rrezikuar seriozisht të mos marrë pjesë në aktivitetet europiane në edicionin e ardhshëm. 

Roma rrezikon që të kalohet nga Fiorentina dhe Atalanta që e ndjekin në renditje, duke përfunduar në vendin e 8 që do ta linte përfundimisht jashtë Europës për sezonin e ardhshëm duke ia bërë fitoren në Tiranë një detyrim.