FOTO/ Zjarr me qëllim makinës së policit në Shkodër, kamerat regjistrojnë autorin

Makinës së policit Sokol Kroni në Shkodër i është vënë zjarr gjatë natës nga një person në mënyrë të qëllimshme. Pamjet e regjistruara nga një kamera vëzhgimi tregojnë momentin kur autori i afrohet makinës së parkuar përpara shtëpisë së pronarit të saj dhe i vë zjarrin.

Ngjarja ndodhi rreth orës 4:00 në lagjen “Tre Heronjtë”; makina “Mitsubishi” është djegur pjesërisht.

Pronari i saj, Sokol Kronit, 54 vjeç, punon në Komisariatin e Policisë së Shkodër. Policia tha se ka nisur hetimet për përcaktimin e rënies së zjarrit dhe dokumentimin e plotë të ngjarjes.