Historia e trishtë e çiftit ukrainas që u martuan në bodrumin e fabrikës së çelikut Azovstal
Valeria Karpilenko dhe Andriy të dy luftëtarë ukrainas, u martuan në bodrumin e fabrikës së çelikut Azovstal në Mariupol më 5 maj, ndërsa ushtria ruse bombardonte pamëshirshëm fabrikën.
Pas tre ditësh Andriy u vra gjatë një sulmi nga ushtarët nga Moska.
Ndërsa tani Valeria ka rrëfyer në Instagram historinë e saj të dashurisë në ferrin e fabrikës së çelikut që është rrethuar prej javësh.
Valeria është shprehur se ajo dhe burri i saj arritën të jenë të lumtur për tre ditë, pavarësisht gjithçkaje.
Në dasmë çifti shkëmbeu unazat të cilat ishin bërë me llamarin dhe i shfaqën në fotot e publikuara në rrjetin social.
Ata u martuan në një dasëm të improvizuar, në prani të mbrojtësve të tjerë të fabrikës së çelikut.
"Ti ishe burri im i ligjshëm për tre ditë. Dhe do jesh dashuria ime në përjetësi. I dashur, i kujdesshëm, i guximshëm ... ke qenë dhe je më i miri. Arritëm të martoheshim. Arritëm të ishim të lumtur. Nuk ishim në gjendje të ishim bashkë. Do të të dua gjithmonë, heroi im.” ka shkruar Valeria në profilin e saj në Instagram.
Në fotot e postuara në Instagram dy të sapomartuarit me uniforma ushtarake e mbajnë fort njëri-tjetrin përballë objektivit.
Ata tregojnë duart me unaza martese, teksa Andriy jep një buzëqeshje të trishtuar, ndoshta parandjenjë.
#Mariupol defender Valeriia Karpylenko and #Ukrainian border guard Andrii got married on May 5 in #Azovstal with foil rings💍
— MFA of Ukraine 🇺🇦 (@MFA_Ukraine) May 12, 2022
3 days after Andrii was killed. She promised him to get out of the siege and live for him💔#SaveMariupol#ArmUkraineNow pic.twitter.com/s51WV7Ox51