VIDEO/ Alba nderon Barçën me një ‘silurë’ në ‘frymën e fundit’, katalanasit sigurojnë kualifikimin në Champions
Barcelona me një gol spektakolar në minutën e 94-të erdhi në fitore dhe kualifikim në Ligën e Kampionëve
Futbollistët e Barcelonës mposhtën 2-1 Betisin në ndeshjen e javës së 35-të të La Ligës spanjolle si mysafirë dhe siguruan një vend në Ligën e Kampionëve.
Pjesa e parë u mbyll pa gola, ndërsa e dyta dhuroi mjaft emocione teksa përveç golave të realizuar u krijuan edhe shumë raste nga futbollistët e të dyja skuadrave.
Katalanasit kaluan në avantazh në minutën e 76-të kur Fati shënoi nga distanca për 1-0, por vetëm tre minuta më vonë ish-lojtari i Barcelonës, Marc Bartra shënoi me kokë dhe barazoi rezultatin në 1-1.
Dhe kur u duk se do të mbetej barazim, Jordi Alba realizoi një gol spektakolar në minutën e 94-rt, duke i dhuruar një fitore të rëndësishme Barçës në garën për një vend në Champions.
HIGHLIGHTS: #RealBetisBarça 1-2
— LaLiga English (@LaLigaEN) May 7, 2022
💙❤️ @FCBarcelona get a late win over Betis thanks to goals from Ansu Fati and @JordiAlba.#LaLigaSantander pic.twitter.com/6BA0frJHRs
Barcelona në ndeshjen e radhës do të takohet me Celtën, ndërsa Betisi është mysafir i Valencias.