Mercenarët ruse kanë bërë mizori në Republikën e Afrikës Qendrore
Mercenarët rusë janë akuzuar se kanë ekzekutuar, torturuar dhe rrahur civilë në Republikën e Afrikës Qendrore.
Dëshmitarët i thanë “Human Rights Watch” se në një incident korrikun e kaluar, luftëtarët rusisht-folës qëlluan për vdekje të paktën 12 burra të paarmatosur në një postbllok.
Shumica e viktimave ishin futur në një gropë të cekët pranë rrugës afër Bossangoa, thanë ata.
Qeveria e republikës afrikane e mohoi se kishte punësuar mercenarë nga grupi privat rus Wagner për të luftuar rebelët.
Ekspertët e OKB-së kanë akuzuar gjithashtu mercenarët rusë për kryerjen e shkeljeve sistematike dhe të rënda të të drejtave të njeriut në Republikën e Afrikës Qendrore, e cila është një nga vendet më të varfra në botë, por e pasur me diamante, ar dhe uranium.
Grupi Wagner raportohet gjerësisht se ka dislokuar forca edhe gjetkë në Afrikë - në Mali dhe Libi - dhe ka luajtur një rol të madh në konfliktet në Siri dhe Ukrainë.
Muajin e kaluar, mercenarë të dyshuar rusë ishin midis atyre që u akuzuan në një raport për ekzekutimin e rreth 300 personave në Mali.
Këtë javë, Ministri i Jashtëm rus Sergei Lavrov përsëriti qëndrimin zyrtar të Moskës se Wagner nuk ka asnjë lidhje me shtetin rus.
Nga torturat