'Gjyshi do të ishte krenar': Shikoni nokautin e nipit të Muhamed Aliut në raundin e parë

Nico Ali Walsh, nipi 21-vjeçar i luftëtarit legjendar Muhammad Ali, mundi Alejandro Ibarra me një nokaut brilant, duke shënuar fitoren e pestë në karrierën si boksier profesionist.

Ai mposhti kundërshtarin e tij në raundin e parë të shtunën në Las Vegas dhe qartë, si nip i legjendarit Muhamed Ali, dalja e tij në botën e boksit vitin e fundit ka tërhequr shumë vëmendjen e publikut.

“Kjo është vetëm provë e punës që kam bërë”, tha Ali Walsh pas luftës, duke shtuar:

"Gjëra të tilla ndodhin kur bën përpjekje. Gjyshi do ishte krenar. Mami emocionohet shumë sepse e sheh babin përsëri  në ring dhe i dëgjon emrin."

Por Walsh është një luftëtar amerikan i kategorisë së mesme (deri në 73 kilogramë), dhe mbrëmë arriti fitoren me “KO”.

STUNG LIKE A BEE.@NicoAliX74 x #ValdezStevenson pic.twitter.com/NZwe4ovCgE

— Top Rank Boxing (@trboxing) May 1, 2022

Kështu, boksieri nga Çikago arriti raportin 5-0 në ringun profesionist, dhe katër nga pesë fitoret i arriti me nokaut. Prej tij priten gjëra të mëdha në karrierën e tij teksa stërvitet me Sugarhill Steward, trajner i Tyson Fury.

Muhamed Ali konsiderohet si boksieri më i madh i të gjitha kohërave, dhe ai u nda nga jeta në qershor 2016 pas një beteje të gjatë me sëmundjen e Parkinsonit.