Nëntë simptoma të reja të Covid janë shtuar në listën zyrtare

Lista zyrtare e simptomave të Covid-19 është zgjeruar për të përfshirë nëntë shenja të reja të infeksionit me koronavirus.

Agjencia Britanike e Sigurisë Shëndetësore ka përditësuar listën e simptomave që tani përfshijnë dhimbje të fytit, dhimbje të muskujve dhe diarre, shkruan BBC , transmeton N1 Zagreb.

Ndryshimi ndodhi më shumë se dy vjet pas fillimit të pandemisë dhe vetëm pak ditë pasi u ndërpre testimi falas në Angli.

Megjithatë, agjencia paralajmëron se shumë nga simptomat e reja janë shumë të ngjashme me ato të ftohjes dhe gripit.

Simptomat origjinale të infeksionit me koronavirus që janë identifikuar në MB janë:

- temperatura

- kollë e vazhdueshme

- humbja e nuhatjes dhe shijes

Që nga fillimi i pandemisë, dihet se këto tre simptoma janë vetëm maja e ajsbergut. Organizata Botërore e Shëndetësisë (OBSH) ka kohë që përdor një listë më të gjatë të simptomave.

Sidoqoftë, ka një debat në Mbretërinë e Bashkuar prej disa kohësh se cilat simptoma duhet të konsiderohen si tregues për testimin e Covid. 

Dhimbja e kokës është, për shembull, një simptomë e njohur e Covid-it, por nuk do të testoni çdo person që ka dhimbje koke.

Lista e re e simptomave në Mbretërinë e Bashkuar përfshin nëntë në vijim:

- gulçim

- lodhje dhe rraskapitje

- dhimbje trupi

- dhimbje koke

- dhimbje të fytit

- hundë e bllokuar ose rrjedhje e hundës

- humbje e oreksit

- diarre

- ndjenja e të vjellave