Presidenti i FIFA-s zbulon ngjarjen që e tronditi: Është e trishtueshme!
Presidenti i Federatës Botërore të Futbollit (FIFA) Gianni Infantino ka përjetuar emocionalisht disfatën e kombëtares italiane dhe mos shkuarjen në Kupën e Botës në Katar.
Italia u mposht nga Maqedonia e Veriut (1-0) në gjysmëfinalen e play-off-it, duke humbur Botërorin e dytë radhazi pas vitit 2018 në Rusi.
Infantino ka pranuar se ka mbetur i dërrmuar pas humbjes së skuadrës së Robert Mancinit.
"Unë me të vërtetë doja të qaja. Është shumë e trishtueshme për të gjithë italianët, është Botërori i dytë radhazi pa Italinë. Dhe nëse kualifikohen në Kupën e Botës së ardhshme, do të ketë 12 vite mungesë," tha Infantino për Rai Sport.
FIFA President Gianni Infantino admits Italy failing to qualify for the Qatar World Cup has left him devastated https://t.co/gWw4CGQt2P
— MailOnline Sport (@MailSport) March 31, 2022
Ai ra në dashuri me Azzurrë-t teksa i shikonte si fëmijë dhe la të kuptohej se mund të mos i duhej të priste katër vjet për të performuar në Kupën e Botës së ardhshme.
“Më kujtohen kur isha fëmijë Kupat e Botës në vitin 1978 dhe 1982. Këto janë gjërat që të bëjnë të dashurohesh me futbollin. Kjo është një situatë e trishtueshme për fëmijët italianë, por vetëm 32 kombëtare mund të kualifikohen dhe Botërori është çdo katër vite, tani për tani...”, ka përfunduar në njeriu i parë i futbollit botëror.