Dosja 'Shullazi' dhe lidhjet me të, Saimir Tahiri prej 3 ditësh i thirrur nga prokuroria

Gjykata e Krimeve të Rënda i ka dërguar fletëthirrje për në gjyq, ish-ministrit Saimir Tahiri.

Tahirit i kërkohet të dëshmojë për rastin e Emiljano Shullazit, për mënyrën sesi i ka mësuar kërcënimet që Shullazi i ka bërë rektorit Mynyr Koni dhe rektorit Dhore Kule gjatë procesit të zgjedhjeve në universitete dhe se ç’masa mori për këtë çështje.

Burime për SYRI.net kanë bërë të ditur se Tahiri ka 3 ditë që është thirrur nga Prokuroria e Krimeve të Rënda që të dëshmojë për lidhjet e tij me bandën e Emiliano Shullazit.

Tahiri prej sot nuk është më ministër i Brendshëm. Presidenti Bujar Nishani firmosi sot shkarkimin e tij dhe emërimin e ministrit të ri Fatmir Xhafaj.