Objektivat ushtarake të Rusisë duket se po zgjerohen në perëndim të Ukrainës
Ndryshe nga sulmet pa dallim të qyteteve të Ukrainës, Rusia duket se po përdor armët e saj precize me rreze të gjatë - të tilla si raketat e lundrimit - për të goditur objekte të veçanta ushtarake.
Dhe lista e synimeve duket se po zgjerohet në perëndim të vendit.
Të dielën, Rusia lëshoi shumë raketa lundrimi, ndoshta nga jashtë hapësirës ajrore të Ukrainës, për të shkatërruar bazën ushtarake të Yaroviv, afër kufirit polak shkruan BBC.
Ndërsa sot objektivi ishte struktura e mirëmbajtjes së avionëve në Lviv, në Ukrainën perëndimore.
Fakti që Rusia po përdor raketa me rreze të gjatë ilustron një fakt tjetër të rëndësishëm - një fakt që ka habitur shumë analistë ushtarakë.
Deri më tani Rusia nuk ka arritur të fitojë epërsi në ajër.
Zyrtarët perëndimorë thonë se mbrojtja ajrore e Ukrainës ka qenë një arsye kryesore për këtë.
Siç tregon ky sulm, Rusia e di se duhet t'i degradojë ato - jo vetëm duke synuar forcat ajrore dhe objektet e Ukrainës, por edhe duke shkatërruar bateritë e raketave me bazë tokësore.
Ato po përdoren çdo ditë të kësaj lufte dhe Ukraina ka nevojë për më shumë furnizime.
Një zyrtar i inteligjencës perëndimore i tha BBC-së se Ukraina ka qenë "shumë specifike" në kërkimin e më shumë municioneve të mbrojtjes ajrore.
Zyrtari tha se "ata kanë nevojë për ato në sasi të mëdha, për shkak të numrit të avionëve rusë që po sulmojnë".