Tandemi Messi-Mbappe po funksionon gjithnjë e më mirë, 'shkatërrojnë' mbrojtjen e shtatë lojtarëve me një lëvizje
Dyshja e PSG-së, Lionel Messi dhe Kylian Mbappe, po bashkëpunojnë gjithnjë e më mirë në fushë nga ndeshja në ndeshje, siç e dëshmon edhe goli i mbrëmjes së djeshme i sulmuesit francez ndaj St. Etienne në ndeshjen e javës së 26-të të Ligës 1 franceze.
Miqtë kaluan në avantazh shumë shpejt, falë golit të shënuar nga Bouange në minutën e 16-të. Edhe pse PSG ishte skuadra më e mirë në fushë dhe e mbajti topin shumë më tepër, “yjet” e ekipit parisien e kishin të vështirë të depërtonin në mbrojtjen e ekipit mik.
Megjithatë, në minutën e 42-të tandemi Messi-Mbappe funksionoi dhe vendasit barazuan.Pas një sulmi, topi erdhi në krahun e djathtë ku Messi mbeti i vetëm dhe megjithëse kishte shtatë mbrojtës aktivë dhe dy pasivë përballë, argjentinasi vuri re Mbappe që kërkonte topin në një hapësirë të ngushtë.
Mbappe is the perfect partner for Messi right now. Prolific https://t.co/LXORxXuv1C
— SON OF THE G.O.A.T 🐐 💭 (@Yanfiey) February 27, 2022
Në mesin e të gjithë lojtarëve, Messi arrin të gjej Mbappen dhe më pas francezi tregon pse është lojtari më i kërkuar në botë dhe shënon për 1-1.
Kujtojmë PSG arriti të fitonte me rezultatin 3-1 ndaj St. Etienne.