Manchester United rikthehet tek fitorja, Ronaldo shënon golin e parë për 2022
Manchester United arriti një triumf të rëndësishëm pas tre dështimesh radhazi, teksa mposhti 2-0 Brighton në Old Trafford.
Pas eliminimit nga FA Cup nga Middlesbrough, Djajtë e Kuq nuk arritën të ruanin avantazhin ndaj Burnley-t dhe Southampton-it në duelet në të cilat pritej fitorja, ndaj një triumf mbrëmjen e djeshme ishte më se i nevojshëm.
Në pjesën e parë nuk pati shumë raste dhe ranë në sy tentativat e Jakub Modera dhe Yves Bissouma në minutat 39 dhe 40. Asnjë gol nuk pati në pjesën e parë.
Në minutën e 51-të pamë episodin më të bukur të ndeshjes. “Thatësia” u ndërpre përfundimisht nga Cristiano Ronaldo dhe ai arriti të shënojë pas gjashtë ndeshjeve, për herë të parë në vitin 2022.
Pas driblimit, portugezi goditi bukur në kufijtë e zonës, duke tundur rrjetën e Galebovos.
Cristiano Ronaldo's goal drought has ended. pic.twitter.com/VHtLyn9vmx
— Oscar Tabarez (@OscarTabarez26) February 16, 2022
Brighton mbeti me një lojtar më pak në minutën e 54-të pasi Lewis Dunk mori kartonin e kuq direkt, ndërsa në momentet e fundit të ndeshjes Bruno Fernandes konfirmoi triumfin e Djajve të Kuq.
Rezultati dhe golashënuesit:
Manchester United - Brighton 2:0 (Ronaldo 51', Fernandes 90+5')