EMRI/ I bëri rezistenë postbllokut të Policisë teksa mbante armë pa leje, identifikohet i riu në Sarandë
Është arrestuar vetëm pak minuta më parë, një shtetas i cili qarkullonte me armë zjarri.
29-vjeçari nga Saranda, nuk i’u bind urdhrit të Policisë për të ndaluar, duke rrezikuar jetën e punonjësve të policisë .
Pas kërkimeve me dron, Policia e Sarandës, gjeti në det armën e zjarrit, tip pistoletë.
I riu me, Ali Kërma, mendohet se e hodhi pistoletën në det për të fshehur provat.
Deklarata e Policisë Sarandë.
Shërbimet e Komisariatit të Policisë Sarandë bazuar në informacionet e marra në rrugë operative se shtetasi A. K, qarkullonte me automjet, me armë zjarri me vete kanë organizuar punën për kapjen e tij.
Në lagjen Nr.1, Sarandë, shërbimet e Policisë kanë konstatuar automjetin me të cilin lëvizte 29-vjeçari dhe menjëherë i kanë bërë shenjë ndalimi.
Drejtuesi i mjetit shtetasi A. K, nuk i është bindur urdhërit të Punonjësve të Policisë për të ndalur dhe ka vijuar me shpejtësi duke rrezikuar seriozisht jetën e punonjësve të policisë.
Drejtuesi i mjetit, ka kryer manovra të rrezikshme në rrugë, duke përplasur dhe një automjet tjetër dhe për të fshehur provat ka hedhur në det armën e zjarrit pistoletë që mbante me vete.
Shërbimet e Policisë kanë përdorur Dronin për të kontrolluar në det si dhe mjetet lundruese të Policisë Kuiftare.
Pas skanimit nga droni në det, të vendit ku gjendej pistoleta është bërë e mundur nxjerrja dhe sekuestimi i saj, së bashku me një karikator me municion luftarak.
Ndërkohë, vijon puna intensive për kapjen e shtetasit A.K, dhe materialet i kaluan Prokurorisë për veprime të mëtejshme për veprat penale “Mbajtje pa leje e armëve dhe municioneve luftarake” dhe “Kundërshtim i punonjësit të rendit publik”.