KPK-ista e Komisionerëve, keni lënë nam, por vazhdoni edhe dy vite!
Nga Flamur Vezaj
Mazhoranca dhe opozita u bënë bashkë që t’i japin rrogën edhe dy vite të tjera anëtareve të KPK-së e komisionerëve të partisë!
Pra për rrogat e këtyre, u bënë bashkë dhe ndryshuan përsëri Kushtetutën!
Por, kujt ja zgjatët mandatin:
Atyre që i zgjodhët vetë duke mos respektuar edhe kriteret e përzgjedhjes!
Atyre që kanë probleme të theksuara në pasurinë e tyre!
Atyre që kanë përfituar prona në mënyrë të paligjshme!
Atyre që dalin të lidhur direkt/indirekt me persona me precedentë të theksuara kriminal!
Atyre që nuk guxuan të largojnë nga sistemi asnjë ish-sigurim të shtetit!
Atyre që i’a paguajnë pushimet dhe seminaret në hotele luks ose persona me precedent kriminal!
Atyre që bëjnë pushime në hotelet e personave që janë marrë me trafiqe të ndryshme!
Atyre që kanë mesataren e shkollës 6.5 dhe në mungesë të theksuar profesionale!
Atyre që shumica prej tyre janë me diploma korespodence!
Atyre që në shume raste na zhgënjyen me vendimarrjen e tyre!
Atyre që gjykuan me shume standarte sipas interesave te ndryshme!
Atyre që nuk mbajnë presionin dhe kërkojnë ndihmë nga ndërkombëtaret!
Atyre që ndonjëherë ndërkombëtaret (që nuk njohin ligjin shqiptare) I diktojnë vendimet!
Atyre që kaluan njerëz me probleme financiare, profesionale apo edhe integritetin!
Atyre që mbyllën sytë e kaluan persona të lidhur me individë apo familjarë të dënuar për vepra te rënda!
Atyre që kaluan nipin e anëtarit të “Bandës së Lushnjës”!
Atyre që kaluan motrën e shoqëruesit të pilotit Italian Riformato ne inspektimit e zonës ku do të ulte avionin!
Etj etj...
Apo i zgjatet mandatin komisionereve ish/anëtarë të kabinetit të ministrave të mazhorancës!
Komisionerëve që vendosin të ankimojnë vetëm rastet kur ia kërkon partia ose ndërkombëtarët!
Komisionerëve që nuk ankimojnë vendimet 2 me 1 por atyre që kalojnë me 3 vota!
Komisionereve që bëjnë pazare dhe ankimojnë vendimet vetëm me porosi!
Komisionerëve që mbyllin sytë e veshët për individë që kanë probleme të theksuara financiare, profesionale e morale!
Etj, etj.