Pogradec/ Arrestohet 28-vjeçari: Vendoste baste sportive me celular

Ditën e sotme ka rënë në duart e policisë, një 28-vjeçar nga Pogradeci.

I riu akuzohet për organizimin e lojërave të fatit dhe fshehje të të ardhurave.

28-vjeçari me iniciale A.D, u  kap në lokalin e tij duke vendosur baste sportive me celular, teksa ju sekuestrua aparati celular.

Ndërkohë, materialet kaluan Prokurorisë së Rrethit Gjyqësor Pogradec për veprat penale “Fshehja e të ardhurave” dhe “Organizimi ose ushtrimi i veprimtarive të lojërave të fatit në kundërshtim me ligjin”.

Njoftimi i plotë i Policisë: 

Vijon operacioni policor i koduar “Basti i fundit”, për goditjen e informalitetit dhe aktivitetit të paligjshëm të lojërave të fatit. Goditet një tjetër rast, vihet në pranga 1 shtetas. Sekuestrohet 1 aparat celular i cili përdorej për vendosjen e basteve sportive.

Specialistët e Seksionit për Hetimin e Krimit në Komisariatin e Policisë Pogradec, në vijim të operacionit policor “Basti i fundit”, për goditjen e aktivitetit të paligjshëm në fushën e informalitetit dhe organizimit të kundërligjshëm të lojrave të fatit, kanë vijuar të ushtrojnë kontrolle në ambiente të ndryshme të qytetit të Pogradecit, si rezultat i të cilëve bënë arrestimin në flagrancë të shtetasit A. D., 28 vjeç, banues në Pogradec.

Shërbimet e policisë, gjatë kontrollit të ushtruar në lokalin e tij në lagjen nr. 2, Pogradec, tek i cili ky shtetas ushtronte aktivitetin i pa regjistruar në organet përkatëse, gjetën e sekuestruan në cilësinë e provës materiale 1 aparat celular që dyshohet se përdorej për vendosjen e lojërave të fatit të palejuara.

Materialet i kaluan Prokurorisë së Rrethit Gjyqësor Pogradec për veprat penale “Fshehja e të ardhurave” dhe “Organizimi ose ushtrimi i veprimtarive të lojërave të fatit në kundërshtim me ligjin”.