I dehur në timon, i riu përplasi çiklomotorin ku vdiqën dy vëllezër 15 dhe 13 vjeç
Një aksident i rëndë ka ndodhur mbrëmjen e djeshme në zonën e Shkozetit në Durrës.
Dy vëllezër, 15 dhe 13 vjeç kanë humbur jetën si shkak i përplasjes së çiklomotorit ku ata udhëtonin bashkë me babain e tyre, nga një i ri i cili ishte i dehur në timon.
Teksa po udhëtonin me një çiklomotor të drejtuar nga babi i tyre, ata janë goditur nga një makinë e drejtuar nga Xhoni Muço, 23 vjeç i cili ka rezultuar të ketë qenë në gjendje të dehur.
15-vjeçari ndërroi jetë në vendngjarje, ndërsa sot ka humbur jetën në spital edhe 13-vjeçari.