VIDEO/ Tre të vdekur në Elbasan, të gjithë anëtarë të një familje

Ka marrë përmasa tragjike aksidenti i ndodhur mëngjesin e sotëm në rrugën Elbasan-Librazhd, ku një makinë ka rënë në lumin Shkumbin.

Policia ka konfirmuar tashmë se brenda makinës që ra mëngjesin e sotëm në Shkumbin ndodheshin pesë persona.

Fatkeqësisht tre persona kanë humbur jetën nga ky aksident i rëndë, ndërsa 2 të tjerë janë nxjerrë të gjallë, ku një fëmijë 9-vjeç ndodhet në gjendje të rëndë dhe është nisur drejt Tiranës. 

Policia ndërhyri për të nxjerrë makinën nga lumi me eskavator dhe në atë moment njërin prej trupave të pajetë e mori rrjedha e ujit, ndërsa dy të tjerët u gjetën të vdekur brenda makinës.

Gjithçka ndodhi pasi makina që ra në lumë u përplas me një tjetër automjet tip ‘Ford’.