Video prekëse/ Fëmija i lutet Erdogan duke qarë: Ma nxirr babin që ka 10 vjet në burg

Presidenti i Turqisë Rexhep Taip Erdogan ishte në një miting gjatë ditës së djeshme ku u përball me një kërkesë të çuditshme nga një fëmijë.

Teksa Erdogan po fliste, në podium hipi një djalë i vogël, i cili iu lut që t’i nxirrte babain e tij nga burgu. Në pamje direkte duket se si Erdogan bën një shenjë nga stafi i tij, e cila nuk kuptohet, megjithatë fëmija i vogël këmbëngul.

“Xhaxhi President, babi im ka 10 vite në burg. Më ka marrë shumë malli për të”, – shprehet i fëmija duke qarë dhe lutur Presidentit turk që të bëjë diçka që ai të bashkohej me të atin.

Burgjet janë të tejmbushur gjatë viteve të fundit në Turqi, ku krahas personave të dënuar për krime ordinere, shumica e të burgosurve janë mësues, mjekë, infermierë, pjesëtarë të stafeve akademike, gazetarë, etj., të cilët qeveria e Erdoganit i ka shpallur kundërshtarë të saj.