Sfidë e re në Instagram: Pse aktoret e njohura na kujtojnë rolet e tyre?
Mediat sociale janë një pjesë kyçe e jetës sonë të përditshme.
Disa platforma, në fakt, janë bërë mjete për shumë njerëz një mjet relaksi dhe shprehjeje krijuese.
Megjithatë, sidomos këto vitet e fundit mediat sociale kanë luajtur dhe vazhdojnë të luajnë një rol të rëndësishëm në përpjekjen për të luftuar stereotipat apo nxjerrjen në pah të problemeve sociale që prej vitesh fshiheshin.
Bazuar në këtë arsyetim, aktorët e famshëm hollivudian kanë nisur një lojë online në Instagram, duke dashur të luftojnë stereotipin që i fut në “kutinë” e roleve shumë specifike.
Nën sfondin muzikor të "That's not is my name" nga The Ting Tings , Drew Barrymore, Jennifer Garner, Gwyeneth Paltrow dhe Juliette Lewis buzëqeshin dhe shfaqin çaste nga paraqitjet e tyre në film, duke dëshmuar se ato mund të jenë shumë më tepër se një personazh në film.
Alicia Silverstone ishte e para që e nisi këtë “sfidë” , të cilën e kishim njohur përmes filmit adoleshent Clueless, ndonëse gjatë karrierës së saj ka marrë pjesë në shumë filma të tjerë, por edhe në videoklipe të grupeve, si Aerosmith.
Në videot e shkurtra shohim frazën “My name is…” me emrin e tyre të vërtetë pasuar më pas me frazën “por ata më thërrasin.”
Në mbishkrime ata mund të mos e kenë shkruar qartë arsyen e postimeve specifike, por është e lehtë të dallosh nga përmbajtja e tyre se mesazhi që ata i dërgojnë gjithë botës është se një rol i vetëm në jetën e tyre nuk i përcakton ata dhe se ata janë në gjendje të arrijnë shumë.