Rita Ora bëhet nostalgjike: 'Qaj sa herë që e shoh këtë'
Rita Ora e ka shfaqur shpesh lidhjen e saj të veçantë me nënën e saj Vera Ora.
Këngëtarja ka bërë një tjetër dedikim për nënën e saj, Vera Ora, pas atij të ditëlindjes.
Ditën e djeshme Vera ka festuar ditëlindjen e 58-të dhe natyrisht nga ka munguar një urim i veçantë nga ylli i muzikës.
Teksa sot, Rita ndau me fansat në Instagram një video nga fëmijëria ku shihet duke kënduar e vallëzuar me të ëmën.
“Gruaja që më bëri të mendoj që ajo që bëj sot ishte një ëndërr e vërtetë dhe se mund të besoja që një ditë do të bëhej realitet, faleminderit nënë, unë qaj sa herë që e shoh këtë”, ka shkruar Rita në mbishkrimin e postimit.
31-vjeçarja herë pas here bën dedikime për familjen e saj, të cilët tregojnë po ashtu përkrahje të madhe për yllin e muzikës.