Referendumi i demokratëve/ Ku dhe si do të votoni sipas qyteteve
76 mijë antarë të Partisë Demokartike, janë thirrur sot për të në një referendum që ka si qëllim ratifikimin e vendimit për shkarkimin e Lulzim Bashës, i marrë në Kuvendin Kombëtar të 11 dhjetorit.
Të drejtën për të marrë pjesë në referendum e ka çdo anëtar i Partisë Demokratike, dhe në momentin që do të paraqitet para qendrës së votimit duhet të ketë me vete veç dokumentit të identifikimit edhe kartën e anëtarësisë.
Antarët mund të votojnë pranë selive të degëve, ose në ambientet e përshtatura për to.
Për çdo informacion në mungesë tëkryetarit të degës, organizatorët e caktuar nga Komisioni i Rithemelimit do japin përgjigje për gjithçka.
Burime pranë komisionit të themelimit thanë për për Syrin, se tashmë është çdo gjë gati, ndërsa pritet një pjesëmarrje e konsiderueshme e antarësisë.
Fleta e votimit, përmban simbolet e PD, të miratuara në nga Kuvendi i 11 dhjetoirt dhe në pjesën e sipërme shkruhet “A jeni dakord me vendimin e Kuvendit Kombëtar për shkarkimin e Lulzim Bashës”. Poshtë saj votuesit mund të shënojnë me kryq ose X përgjigjen, në kuadratin e përcaktuar.
Qendrat e votimit do të qëndrojnë të hapura deri në orën 18.00, por në rast se ka ende votues pas kësaj ore do bëhet i mundur votimit.
Më poshtë gjeni për çdo degë vendin e votimit.
Vlen të theksohet se Gjirokastra ka pësuar ndryshim dhe Qendra e Votimit për këtë qark do të jetë në Pallatin e Sportit.
Në Dibër Qendra e Votimit do të jetë në Pallatin e Kulturës.
Ndërsa dega 4 e PD në Tiranë do të votojë në rrugën "Myslym Keta" në ambientet e lokalit "Pëllumbat e Paqes".