Përfshihet nga flakët autobuzi në Kosovë

Një autobus është përfshirë nga flakët në Fushë Kosovë rreth orës 17:30 të kësaj të premteje.

Sipas njoftimit të policisë, nuk dihen ende shkaqet se si ka marrë flakë autobusi, por për fat të mirë, veç dëmeve materiale nuk ka të lënduar.

Njoftimi i policisë:

“Rreth orës 17:30, është raportuar se në zonën industriale në Fushë Kosovë, një autobus është përfshirë nga zjarri. Policia menjëherë ka dalë në vendin e ngjarjes, po ashtu janë ftuar edhe zjarrfikësit. Nuk raportohet për të lënduar, përderisa po trajtohen rrethanat e ngjarjes”, është shprehur policia.