Digjet një makinë në autostradën e Lushnjes
Një makinë është djegur në bay pasin e Lushnjes sot.
Bëhet fjalë për automjeti, tip Benz Mercedes me targa AA 802 AA. Në mjet ndodhej vetëm drejtuesi, i cili ka dalë pa lëndime.
Në vendngjarje kanë mbërritur zjarrfikësit e Lushnjës, për të eliminuar pasojat e zjarrit.
Policia e qarkullimit po kryen veprimet e nevojshme.
Sipas drejtuesit të mjetit, ai ka qenë i vetëm në makinë dhe mendohet se shkak i zjarrit ka qenë kataliti apo pjesët përcjellëse te gazrave të nxehtë të motorit.
Policia po kryen veprimet hetimore për të gjetur shkakun e zjarrit ne mjetin, i cili në pjesën e pasme është djegur totalisht, por pjesa e motorit është e paprekur.
Policia rrugore po kujdeset për trafikun dhe disiplinimin e tij në autostradë.
Njoftimi:
Lushnjë/Informacion paraprak
Sot rreth orës 13:40, në vendin e quajtur "Rotondo plasmasit", ka marrë flakë në ecje e sipër automjeti tip “Benz" me drejtues shtetasin Sh. S.
Paraprakisht dyshohet se zjarri ka rënë si pasojë e një defekti në mjet.
Nuk ka dëme në njerëz.
Grupi hetimor po punon për përcaktimin e shkaqeve të rënies së zjarrit.