Seferovic gaboi me portën e boshatisur, trajneri i Benfica-s ra në gjunjë i dëshpëruar: Jam totalisht i shkatërruar, nuk kam parë...
Trajneri i Benfica-s, Jorge Jesus, është shfaqur i dëshpëruar, pas rastit të humbur nga Haris Seferovic në ndeshjen ndaj Barcelonës, e vlefshme për javën e 5-të të fazës së grupeve të Ligës së Kampionëve.
Në minutën e 93-të, Seferovic pati një shans të artë për të shënuar dhe për t’i dhuruar fitoren Benfikës ndaj Barcelonës, çka do të thoshte se katalanasit me gjasë do t'i jepnin fund garës në Champions. Megjithatë, pasi kaloi portierin Ter Stegen, sulmuesi me bortën e boshatisur e dërgoi topin jashtë.
Seferovic est un assassin du football
— Issam🦅 (@Issam830) November 23, 2021
pic.twitter.com/0uQc9qAjzw
E gjithë kjo është komentuar nga trajneri i Benfica-s, Jorge Jesus, i cili u gjunjëzua pas rastit të humbur nga Seferovic dhe tha se nuk kishte parë një gabim të tillë nga një lojtarë në 30 vite të karrierës së tij.
“Është e vërtetë që gjatë ndeshjes, Barcelona pati një ose dy shanse për të shënuar, por në përgjithësi mendoj se ne luajtëm mirë në mbrojtje dhe në fund patëm një mundësi të artë”, tha Jesus dhe vazhdoi. :
" Jam totalisht i shkatërruar. Jam trajner futbolli prej 30 vitesh dhe nuk kam parë kurrë diçka të tillë, dhe ja dhe ja, fatkeqësisht më ka ndodhur mua dhe Benfica-s."
Barcelona në ndeshjen e fundit do të luajë kundër Bayernit në Gjermani, ndërsa Benfica do të presë në shtëpi Dinamon e Kievit. Aktualisht klubi spanjoll ka shtatë pikë, dy më shumë se Benfica.