Një kontratë afatgjatë, Liverpool ‘blindon’ Salah
Mohamed Salah thuhet se është afër nënshkrimit të një marrëveshjeje të re afatgjatë me Liverpool-in , duke e përkushtuar të ardhmen e tij te Reds.
Çështja e kontratës së mbretit egjiptian është diçka që është diskutuar shumë nga tifozët, por duket se klubi pothuajse e ka zgjidhur këtë problem.
Kontrata e tij aktuale do të skadojë verën e ardhshme, gjë që ka shkaktuar një panik për atë që ai do të dëshirojë të bëjë.
Sipas një raporti nga "TEAMtalk" , sulmuesi i Liverpool nuk po kërkon 500,000 £ në javë, pavarësisht disa sugjerimeve që ishte rasti.
Gjithashtu u vu në dukje se klubi pritet të arrijë një marrëveshje me Salah dhe agjentin e tij në të ardhmen e afërt, gjë që do ta lidhë reprezentuesin egjiptian me Reds.
29-vjeçari ishte në listën e golave në fundjavë kur Liverpool mposhti Arsenalin, që ishte goli i tij i 11-të i sezonit, duke e bërë atë golashënuesin më të mirë në Premier League për momentin.